ye tera mera milna

Tumko hasne ki aadat hai,
aur mai hoon rone ka aadi

ye tera mera milan kaheen
na ho dono ki barbadi

mujhko likhne ka shauk laga,
tumko padhne ka wakt nahi

adharan tere ras k pyale,
mere seene mai rakt nahi

meri sanso mai dard bhara,
tera dil kora hai kora

hum dono ko uljha na de,
ye lal hara peela dora !

mujhko lekar sang saath chalo, jo itne kadam chala hoon mai
tumse milkar kyu lagta hai , k tere liye pala honn mai

tere ansu lekar aadhe, mai apne nain saja loonga
apne adharo ki muskahat se tera dard saja doonga

mujhko hasne ki aadat hai, mai tumko hasi bana loonga
tum likho prem ki syahi se, mai khud ko kalam bana doonga !